ކޮންޓެކްޓް

ހެލްޕްލައިން ސަރވިސް

ތަޢާރަފް

ނޭޝަނަލް ޑްރަގް އެޖެންސީގެ ހެލްޕްލައިން 1410ގެ ހިދުމަށް ރަސްމީކޮށްފައްޓަވާފައިވަނީ 2011 ޖޫން 26 ގައި ރާއްޖޭގެ ކުރީގެ ރައީސުލް ޖުމްހޫރިއްޔާ އަލްފާޟިލް މުޙައްމަދު ނަޝީދުއެވެ. ހެލްޕްލައިން 1410 ގެ ޚިދުމަތަކީ ހަފްތާއަކު 7 ދުވަހު، ކޮންމެދުވަހަކު 24 ގަޑިއިރު ފޯރުކޮށްދެމުންދާ ޚިދުމަތެކެވެ. ހެލްޕްލައިންއިން ފޯރުކޮށްދޭ ޚިދުމަތްތަކަކީ ނޭޝަނަލް ޑްރަގު އޭޖެންސީއިން ފަރުވާދިނުމަށްޓަކައި ހުޅުވާފައިވާ ސެންޓަރުތަކާއި ބެހޭ މަޢުލޫމާތު ފޯރުކޮށް ދިނުމާއި، ސެންޓަރުތަކުން ކުރިއަށްގެންދާ ފަރުވާގެ ޕްރޮގްރާމާއި ބެހޭ މަޢުލޫމާތާއި ފަރުވާއަށް ދެވޭނެގޮތްތަކާއި އަދި މަސްތުވާތަކެތި ބޭނުން ކުރާ ފަރާތްތަކާއި އެފަރާތްތަކުގެ ޢާއިލާތަކަށް މަސްތުންސާފުވެ ތިބުމަށްޓަކައި ބޭނުންވާ ތަފާތު މަޢުލޫމާތު ފޯރުކޮށްދިނުމެވެ. 1410ގެ ޚިދުމަތަކީ މި ނަންބަރަށް ގުޅާފަރާތްތަކުގެ ސިއްރު ހިފެހެއްޓޭ ޚިދުމަތެކެވެ.

އަމާޒް

ނޭޝަނަލް ޑްރަގް އެޖެންސީގެ ހެލްޕްލައިންގެ އަމާޒަކީ ފަރުވާއަށް އަންނަ ކޮންމެ ކްލައިންޓަކީ މަސްތުންސާފުވެ، މުޖުތަމައު ޤަބޫލުކުރާ، މަސްތުވާތަކެއްޗާއި ނުލައި ދިރިއުޅެވޭނެހާ ޤާބިލިއްޔަތުކަން ހުރި ބަޔަކަށް ހެދުމާއި އަދި ނޭޝަނަލް ޑްރަގު އޭޖެންސީގެ ފަރުވާއާއި ބެހޭގޮތުން މަޢުލޫމާތު ސާފުކުރުމަށް އަންނަ ފަރާތްތަކަށް އެކަމާއިގުޅޭ އެކަށީގެންވާ މަޢުލޫމާތު ފޯރުކޮށްދިނުމެވެ.

1410 ހެލްޕްލައިންގެ ޑިއުޓީ ނަންގަވާ ފަރާތްތައް

• ކައުންސެލަރސް
• އެސިސްޓެންޓު ކައުންސެލަރސް
• ކައުންސެލިންގ އެސޯސިއޭޓްސް
• އެޑިކްޝަން ދާއިރާއިން ތަމްރީން ލިބިފައިވާ ފަރާތްތައް
• ނެޝަނަލް ޑްރަގް އެޖެންސީގެ ހިންގުމާއި ހަވާލުވެ ހުންނަވާ ފަރާތުން ނިންމަވާ އެހެނިހެން އެކަމަށް ތަމްރީން ކުރެވިފައިވާ ފަރާތްތައް

1410 ޑިއުޓީގެ ވަގުތު

1410 ހެލްޕްލައިން ޑިއުޓީގެ ވަގުތަކީ ކޮންމެ ދުވަހެއްގެ ހެނދުނު 08:00 އިން ފެށިގެން ޖެހިގެން އަންނަ ދުވަހުގެ ހެނދުނު 08:00 އަށެވެ.